Kompaniya yangiliklari

09 Nov 2018

Endi aviabiletlarni MasterCard orqali sotib olishingiz mumkin

"O‘zbekiston havo yo‘llari" Milliy aviakompaniyasi qatnovlariga aviabiletlarni rasmiy veb-sayt orqali sotib olishdagi onlayn to‘lov usullariga MasterCard to‘lov tizimi ham qo‘shildi. Oldin mazkur imkoniyat UzCard va VISA to‘lov tizimlari orqali taqdim etilgan. "O‘zbekiston havo yo‘llari" MAK aviabiletlarini www.uzairways.com saytida sotib olishingiz mumkin. Bundan tashqari, saytimizda aviakompaniya samolyotlari sahnidagi ham pullik, ham to‘lovsiz joylarni oldindan tanlash va bronlash imkoniyati ham mavjud.< >

13 Nov 2019

“Uzbekistan Airways” yana bir marotaba eng punktyal aviakompaniya deb tan olindi

“Uzbekistan Airways” 2019-yilning oktyabr oyi yakunlari bo‘yicha Geydar Aliyev nomidagi xalqaro aeroportining punktuallik reytingida eng punktual aviakompaniyalardan biriga aylandi. O‘zbekiston milliy aviatashuvchisi Ozarbayjonning asosiy aeroportiga rejalashtirilgan parvozlarning 90 foizini jadval bo‘yicha bajardi. “Uzbekistan Airways” xaftasiga uch marta seshanba, payshanba va yakshanba kunlari Toshkent-Baku-Toshkent yo‘nalishida muntazam qatnovlarni amalga oshiradi. Ta’kidlash lozimki, aviakompaniya bir necha marotaba Rossiyaning eng yirik “Domodedovo”, “Sochi”, “Krasnodar”, “Qozon”, “Vnukovo”, “Koltsovo” va boshqa aeroportlarida eng punktual aviatashuvchi sifatida tan olingan.
12 Nov 2019

«Uzbekistan Airways Technics» - 95 yil!

Bugun, 2019-yil 12-noyabr kuni “Uzbekistan Airways Technics” (“UAT” AK) tashkil topganining 95 yilligi nishonlanmoqda. Shu munosabat bilan “UAT” AK Madaniyat markazida “Uzbekistan Airways” AJ rahbariyati, sexlar, bo’limlar rahbarlari va aviakorxona xodimlari hamda OAV vakillari ishtirokida bayram tadbiri tashkillashtirildi. Ushbu bayramni nishonlash uchun taklif qilingan faxriylarni aviakorxonaning yosh xodimlari gullar bilan kutib olishdi. Jamoani tabriklar ekan, “Uzbekistan Airways Technics” MChJ direktori Ulug’bek Kiyasov aviakorxonada uzoq yillar davomida xizmat qilgan faxriylarning mehnatlarini alohida qayd etdi, barcha xodimlarga fidokorona mehnat uchun tashakkur bildirib, ularga osoyishtalik va xizmatda zafarlar tiladi. Shuningdek “Uzbekistan Airways” AJ Boshqaruv raisining Birinchi o’rinbosari Umid Xusanov va Boshqaruv raisining o’rinbosari – “Uzbekistan Airways” AJ Texnik direktori Gennadiy Xarlaplar ham aviakorxona jamoasiga o’z tabriklarini yo’llab, ularga yurtimiz fuqarolik aviatsiyasining rivojiga qo’shgan hissalari uchun minnatdorchilik bildirishdi. Bayram tadbiri ishtirokchilari aviata’mirlash korxonasi tashkil etilgan yillarni eslab, “Uzbekistan Airways Technics”ning havo kemalarini ta’mirlash va texnik xizmat ko’rsatish bo’yicha jahonda nomi chiqishiga sabab bo‘lgan aviatsiya texnikalariga va samolyotlarga xizmat ko’rsatadigan malakali texnik xodimlarni tayyorlash an’analarini qayd etishdi. Bayram shukuhi aviakorxonaning yosh mutaxassislari tomonidan tayyorlangan konsert dasturi bilan boyitildi. Milliy an’analarga xos chiqishlar, mashhur qo’shiqlar ijrosi tadbir tomoshabinlariga a’lo kayfiyat ulashdi. “Uzbekistan Airways Technics”ning barcha xodim va faxriylarini yubiley bilan tabriklaymiz! Aviakorxona jamoasiga muvaffaqiyatlar hamda “Uzbekistan Airways Technics” aviakorxonasining shonli tarixining boyitadigan yangi marralarni zabt etishni tilab qolamiz!
11 Nov 2019

“Oʻzbekiston havo yoʻllari” MAKdagi tarkibiy oʻzgarishlar yakunlandi

Oʻtgan davr mobaynida mamlakatimiz fuqaro aviatsiyasini rivojlantirish, shu jumladan havo kemalari parkini yangilash, parvozlarning yuqori darajadagi xavfsizligini taʼminlash, aeroportlar infratuzilmasini, havo harakatini boshqarish va malakali mutaxassislar tayyorlash tizimini takomillashtirish boʻyicha izchil choralar koʻrildi. Shu bilan birga, mamlakatimizning fuqaro aviatsiyasida uning jahon aviatashishlar bozorida raqobatbardoshligini taʼminlash va ushbu tarmoqqa investitsiyalarni faol jalb qilish uchun tarkibiy islohotlarni yanada amalga oshirishga toʻsqinlik qilayotgan qator tizimli kamchiliklar saqlanib qolmoqda. Oʻzbekiston Respublikasi Prezidentining “Oʻzbekiston Respublikasining fuqaro aviatsiyasini tubdan takomillashtirish chora-tadbirlari toʻgʻrisida”gi PF-5584-sonli Farmoniga muvofiq, maxsus tuzilgan Ishchi komissiya tomonidan “Oʻzbekiston havo yoʻllari” MAKni qayta tashkil etishga doir kompleks chora-tadbirlar amalga oshirilishini muvofiqlashtirish va amaliy koʻmaklashish boʻyicha ishlar olib borildi. Xususan, “Oʻzbekiston havo yoʻllari” MAK direksiyasi, shuningdek, “Uchuvchilar majmuasi”, “Havo aloqalari bosh agentligi” va “Oʻzaviatextaʼminot” moddiy-texnik taʼminot majmuasi» davlat unitar korxonalari negizida “Uzbekistan Airways” aksiyadorlik jamiyati tashkil etildi. Bundan tashqari, “Oʻzbekiston havo yoʻllari” MAK tarkibiga kiradigan davlat unitar korxonalari masʼuliyati cheklangan jamiyatlarga aylantirildi.  Shuningdek “Uzbekistan Airports” aksiyadorlik jamiyati unga quyidagi MCHJlarning ustav fondlaridagi davlat ulushini oʻtkazilishi yoʻli bilan tashkil etildi: • “Andijon” xalqaro aeroporti» MCHJ; • “Buxoro” xalqaro aeroporti» MCHJ; • “Qarshi” xalqaro aeroporti» MCHJ; • “Navoiy” xalqaro aeroporti» MCHJ; • “Nukus” xalqaro aeroporti» MCHJ; • “Namangan” xalqaro aeroporti» MCHJ; • “Samarqand” xalqaro aeroporti» MCHJ; • “Islom Karimov nomidagi «Toshkent” xalqaro aeroporti» MCHJ; • “Termiz” xalqaro aeroporti» MCHJ; • “Urganch” xalqaro aeroporti» MCHJ; • “Fargʻona” xalqaro aeroporti» MCHJ. Bundan tashqari, “Maxsus aviatsiya ishlari aviakompaniyasi” DUK negizida “Uzbekistan Helicopters” masʼuliyati cheklangan jamiyatini tashkil qild'i. “Oʻzaeronavigatsiya” markazi» davlat korxonasi esa Oʻzbekiston Respublikasi Transport vazirligi ixtiyoriga oʻtkazildi.
09 Nov 2019

O‘zbekiston bo‘ylab press-tur

“Uzbekistan Airways” aviakompaniyasi O‘zbekistonda turizm sohasini rivojlantirishga qaratilgan aniq maqsadli tadbirlarni amalga oshirmoqda. Bu boradagi yo‘nalishlardan biri – chet el sayyohlik agentliklari, kompaniyalar, turoperatorlar va ommaviy axborot vositalari vakillari uchun turli info-turlarni tashkil etishdir. Joriy yilning 9-15 noyabr kunlari “Uzbekistan Airways” aviakompaniyasi Buyuk Britaniyaning yetakchi sayyoh jurnalistlari uchun navbatdagi press-turni tashkil etdi. “Sophie Ibbotson & the UK Travel Journalists” kompaniyasi boshlig‘i Sophie Ibbotson 2018 yilning oktyabr-noyabr oylarida ham bir qator sayyoh jurnalistlar bilan O‘zbekistonga tashrif buyurgan edi. Bu galgi sayohatda Angliyaning mamlakatimizga tashrif buyurishga qiziqish bildirgan boshqa bir guruh jamoasi yig‘ilgan. O‘zbekistonga tashrif buyurgan Buyuk Britaniyalik mehmonlar, nafaqat poytaxtning diqqatga sazovor joylari bilan tanishish, balki Nukus, Xiva, Buxoro, G‘ijduvon va Samarqandning tarixiy joylariga tashrif buyurib, qadimiy me’moriy yodgorliklarning betakror go‘zalligi va ulug‘vorligidan bahramand bo‘lish bilan birga o‘zbek milliy taomlarini tatib ko‘rish hamda milliy hunarmandchiligimiz, an’ana va qadriyatlarimiz bilan yaqindan tanishish imkoniyatiga ega bo‘lishadi. “Uzbekistan Airways” tomonidan tashkil etilgan mazkur press-tur, shubhasiz, Buyuk Britaniya Qirolligi mamlakatlarida O‘zbekiston sayyohlik yo‘nalishini yanada ommalashtirishga va O‘zbekistonga sayyohlar oqimining ko‘payishiga xizmat qiladi. Eslatib o‘tamiz, “Uzbekistan Airways” aviakompaniyasi Londonga haftasiga ikki marta - seshanba va juma kunlari muntazam qatnovlarni amalga oshiradi.
05 Nov 2019

O‘zbekistonning sayyohlik salohiyati Rossiya janubida namoyish etildi

Krasnodar shahrida O‘zbekiston Respublikasining Rostov-Don shahridagi Bosh konsulligi va "Uzbekistan airways" vakolatxonasi ko‘magida tashkil etilgan "O‘zbekistonga sayohat!" taqdimoti bo‘lib o‘tdi. Tadbirda Krasnodar o‘lkasining turizm vazirining o‘rinbosari Yekaterina Fidyayeva, o‘ttizdan ortiq turoperatorlari va sayyohlik kompaniyalari ishtirok etdilar. Videolavhalar bilan namoyish etilgan rangli taqdimot ishtirokchilarga respublikamizning boy sayyohlik salohiyati bilan tanishish, sayyohlik yo‘nalishlari va mamlakatimizni Rossiya mintaqasi bilan bog‘lab turadigan O‘zbekiston milliy aviatashuvchisining to‘g‘ridan-to‘g‘ri qatnovlari to‘g‘risida ma‘lumot olish imkonini beradi. Tadbir davomida "Uzbekistan airways" Krasnodar shahridagi vakolatxonasi ishtirokchilar orasida Krasnodar-Toshkent-Krasnodar yo‘nalishi bo‘yicha ikkita bepul o‘ynalgan chipta  egalari mahalliy  “Natali-Tur”  va “Roza vetrov”  sayyohlik kompaniyalari vakillari bo‘ldi. Shuningdek, mehmonlarga "Navbahor" folklor raqs guruhining ashula va raqslari bilan kontsert dasturi taqdim etildi. Tadbir o‘zbek oshpazlari tomonidan tayyorlangan milliy taomlar va palovning tatib ko‘rilishi bilan yakunlandi.
05 Nov 2019

“Uzbekistan airways” AJ Londonda bo‘lib o‘tayotgan xalqaro turistik yarmarkada ishtirok etmoqda

"Uzbekistan airways" 4-6-noyabr kunlari Buyuk Britaniya poytaxtida bo‘lib o‘tayotgan World Travel Market (WTM London 2019) jahon sayyohlik bozori xalqaro turistik ko‘rgazmasida yana bir bor "O‘zbekiston" milliy stendida o‘zining aviatsiya imkoniyatlarini namoyish etmoqda. Ko‘rgazmaning 40 yilligi ko‘plab mutaxassislar va ijodiy g‘oyalarni jamlagan eng muvaffaqiyatli tadbir bo‘lishi kutilmoqda! Tantanada ishtirok etish uchun 180 dan ortiq mamlakatdan 50 mingdan ortiq turizm sohasidagi mutaxassis, 9000 ta bayer, 5000 eksponent va 3000 dan ortiq ommaviy axborot vositalari vakillari taklif etilgan. Ko‘rgazmaning  uch kunlik ishi davomida "Uzbekistan airways" Buyuk Britaniya davlatlaridan sayyohlarini O‘zbekistonga jalb qilish, mazkur mintaqada mamlakatimizning sayyohlik salohiyatini ommalashtirish maqsadida yo‘lovchi tashish sohasidagi o‘z xizmatlarini, shuningdek, ushbu sohadagi to‘liq xizmatlarni namoyish etadi. "O‘zbekiston" yagona stendida milliy aviatashuvchisi  bilan bir qatorda, beshta sayyohlik kompaniyalarimiz va Hyatt Regency Tashkent mehmonxonasi vakillari o‘z xizmatlari va respublikamizning sayyohlik salohiyatini namoyish etadilar. Ushbu sayyohlik maydon, shubhasiz, Buyuk Britaniya Qirolligi va O‘zbekiston o‘rtasida turizm sohasida ikki tomonlama hamkorlikni o‘rnatish uchun ijobiy platformaga aylanadi. Eslatib o‘tamiz, "Uzbekistan airways" haftasiga ikki marta seshanba va juma kunlari Londonga muntazam yo‘lovchi qatnovlarini amalga oshiradi.
04 Nov 2019

Uzbekistan Airways samolyoti Samaraga shoshilinch qo‘ndirildi

«Uzbekistan Airways» aviakompaniyasining  Sankt-Peterburgdan Urganchga HY638 qatnovi bilan uchgan samolyoti yo'lovchilardan birining sog‘lig‘i yomonlashgani sababli shoshilnch Samara shahrining «Kurumoch»  aeroportiga qo'ndi. Hozirda samolyot Urganchga yo‘l oldi, mahalliy vaqt bo'yicha soat 18:30 da manzilga yetib kelishi kutilmoqda.
30 Oct 2019

Sayyohlik sohasi vakillari uchun yana bir taqdimot

Sankt-Peterburg va Shimoliy-G‘arbiy Federal okrugining turizm biznesi vakillari uchun O‘zbekiston Respublikasining Sankt-Peterburgdagi Bosh konsulligida mamlakatimizning sayyohlik salohiyati va "Uzbekistan airways" aviakompaniyasining xizmatlari taqdimoti bo‘lib o‘tdi. Tadbirda Sankt-Peterburg Savdo-sanoat palatasi Turistik tadbirkorlik qo‘mitasi raisining o‘rinbosari Natalya Ivanova ishtirok etdi. Mazkur taqdimot ishtirokchilarni O‘zbekistonning boy tarixiy merosi, diqqatga sazovor turistik yo‘nalishlari, milliy urf-odatlarimiz va ularning o‘ziga xos xususiyatlari bilan tanishtirishga imkon berdi, shuningdek, u yerda xalqaro andozalarga mos yangi "Amirsoy" tog‘-chang‘i kurortining ochilishi ham e’lon qilindi.  Uchrashuv davomida "Uzbekistan airways"  aviakompaniyasining O‘zbekistonning Sankt-Peterburgdagi Bosh konsulligi bilan  aviatashuvlarni sotish bo‘yicha Bosh agenti “AeroTour” ishtirokidagi yaqin hamkorligi ijobiy natijalar berayotgani hamda O‘zbekistonning sayyohlik yo‘nalishini chet elda ommalashtirish va mamlakatimizga ko‘plab xorij sayyohlarini jalb etishga qaratilgan loyihalar ustida faol ish olib borayotgan "Uzbekistan airways" aviakompaniyasi ishtirokisiz  milliy sayyohlik salohiyatini tashqi bozorlarda samarali targ‘ib qilishning imkoni yo‘qligi ta’kidlandi.
26 Oct 2019

Urumchi aeroportida yo‘lovchilarni ro‘yxatdan o‘tkazish va bortga chiqarish vaqtlariga o‘zgartirishlar kiritildi

Hurmatli yo‘lovchilar! "Uzbekistan Airways" aviakompaniyasi sizga 2019- yil 1-noyabrdan Urumchi aeroportida qatnovlar uchun yo‘lovchilarni ro‘yxatga olish reysning jo‘nash vaqtidan 50 daqiqa oldin, yo‘lovchilarni samolyotga chiqarish esa parvoz vaqtidan 20 daqiqa oldin tugatilishini ma‘lum qiladi.  Eslatib o‘tamiz, "Uzbekistan Airways" Urumchiga haftasiga ikki marta seshanba va juma kunlari muntazam yo‘lovchi qatnovlarini amalga oshiradi.
21 Oct 2019

Ona tili - milliy qadriyatlarimizning asosidir

O‘zbek tili mamlakatning ijtimoiy-siyosiy va ma‘naviy-ma‘rifiy rivojlanishida juda muhim ahamiyatga ega bo‘lgan dunyoning eng qadimiy va eng boy tillaridan biri hisoblanib, xalqimizning milliy o‘ziga xosligi va mustaqil davlatchiligining ramzi, uning bebaho ma‘naviy boyligi va buyuk qadriyatidir. Milliy merosimizning asoslaridan biri  hisoblangan ona tiliga bo‘lgan katta e‘tibor tufayli 1989-yil 21-oktyabrda "O‘zbekiston Respublikasining davlat tili to‘g‘risida"gi Qonun qabul qilindi, uning asosida so‘nggi yillarda o‘zbek tili mustahkam huquqiy baza va yuqori maqomga ega bo‘ldi. Mamlakatimizning  barcha joylarida bo‘lgani kabi “Uzbekistan Airways” aviakompaniyasida ham o‘zbek tiliga davlat tili maqomi berilganligining 30 yilligi keng nishonlanadi. Davlatimiz rahbarining “Davlat tili to‘g‘risida” gi qonun qabul qilinganligining o‘ttiz yilligini keng nishonlash to‘g‘risida ”gi qaroriga binoan Kadrlar boshqarmasining Ijtimoiy siyosat boshqarmasi tomonidan ishlab chiqilgan tadbirlar dasturiga muvofiq, aviakompaniya Direktsiyasida mahalliy va xorijiy yozuvchilarning asarlari, bolalar adabiyotlari taqdim etilgan kitob ko‘rgazmasi o‘tkazilmoqda. Ushbu yubiley sanasini nishonlash doirasida bo‘linmalar tomonidan ona tilimizning o‘rni va nufuzini oshirish va uning boy imkoniyatlarini o‘rganishga bag‘ishlangan badiiy va ma‘rifiy kechalar ham tashkil etiladi. Shuningdek, aviakompaniya xodimlari va yoshlari poytaxtimizdagi O‘zbekiston Milliy bog'ida o‘zbek adabiy tilining asoschisi Alisher Navoiy haykali poyiga gul qo‘yish marosimida ishtirok etadilar.

Pages

"Uzbekistan airways"

Aksiyadorlik jamiyati

Davlat resurslari: