Kompaniya yangiliklari

09 Nov 2018

Endi aviabiletlarni MasterCard orqali sotib olishingiz mumkin

"O‘zbekiston havo yo‘llari" Milliy aviakompaniyasi qatnovlariga aviabiletlarni rasmiy veb-sayt orqali sotib olishdagi onlayn to‘lov usullariga MasterCard to‘lov tizimi ham qo‘shildi. Oldin mazkur imkoniyat UzCard va VISA to‘lov tizimlari orqali taqdim etilgan. "O‘zbekiston havo yo‘llari" MAK aviabiletlarini www.uzairways.com saytida sotib olishingiz mumkin. Bundan tashqari, saytimizda aviakompaniya samolyotlari sahnidagi ham pullik, ham to‘lovsiz joylarni oldindan tanlash va bronlash imkoniyati ham mavjud.< >

09 May 2019

Qadrlaymiz, unutmaymiz, va faxrlanamiz!

Bugun, 9-may Xotira va qadrlash kuni munosabati bilan “O‘zbekiston havo yo‘llari” MAK  poytaxt aeroportidagi Xotira yodgorligi oldida aviakompaniya O‘zbekiston Respublikasi Transport vazirligi huzuridagi Fuqaro aviatsiyasi agentligi, Oʻzbekiston aviaxodimlari kasaba uyushmalari respublika kengashi, rahbariyati, faxriylar va MAK tarkibiy bo‘linmalari mutaxassislari ishtirokida tantanali miting boʻlib oʻtdi. An‘anaga ko‘ra, aviakompaniya yoshlari urush va mehnat fronti ishtirokchilarini hamda soha faxriylarini harbiy orkestr sadolari ostida gullar bilan kutib oldilar. Tabrik so‘zlari bilan "O‘zbekiston havo yo‘llari" Milliy aviakompaniyasi bosh direktori Baxtiyor Hakimov hamda  O‘zbekiston Respublikasi Oliy Majlisi Senatori Valeriy Tyan faxriylarga murojaat etdi. Ular, yillar, asrlar o‘tsa ham tinch hayot uchun jonini fido qilgan fidoyi vatandoshlarimizning nomlari abadiy xalqimiz xotirasida qolishini ta’kidlab o‘tdilar. Bu kunda biz qonli urush yillari qiyinchilklarni mardonavor jasorat bilan qarshilab, jangu maydonlarda halok bo‘lgan yurtdoshlarimizning barchasini yodga olamiz va bugungi kunda oramizadagi faxriylarimizga hurmat-ehtirom ko‘rsatamiz. O‘zbekiston urush paytida ishonchli ortga aylandi. Sanoat korxonalari harbiy ehtiyojlar uchun yo‘naltirilgan bo‘lib, g‘alaba qozonish uchun barcha imkoniyatlardan foydalanildi. Ishchilar va muhandislar bilan birgalikda ayollar, qariyalar, o‘smirlar respublikamizga evakuatsiya qilingan yuzdan ortiq zavod va fabrikaning faoliyatini tashkil etish uchun astoydil va fidokorona mehnat qildilar. Frontga ikki mingdan ziyod samolyotlar, ko‘plab boshqa harbiy texnika va qurol-yaroq, harbiy-tibbiy poezdlar, yuzlab dala oshxonalari, ko‘p miqdordagi oziq-ovqat, kiyim-kechak va boshqa kerakli mahsulotlar yuborildi. Og‘ir sinovlar havo floti xodimlari zimmasiga ham tushdi. Uchuvchilar, texniklar, shturman va boshqa aviamutaxassislar birinchilar qatorida jo‘nab ketdilar. Urushning dastlabki kunlaridayoq O‘zbekistondan 15 nafar samolyotda aviatorlarning birinchi guruhi jang maydoniga uchib ketdi.   A.Taymetov, G.Aripov, I.Pazilov, I.Popelnitskiy, V. Galishev va boshqa aviatorlar birinchilar qatorida harbiy xizmatga chaqirildilar. Bugun biz shiddatli janglarda halok bo‘lganlarning xotirasi oldida bosh egamiz, shuningdek, biz bilan bo‘lgan va tinchlik davrida vafot etgan faxriylarni hurmat bilan tilga olamiz. Ular Vladimir Dronov, Vasiliy Bedrin, Aleksandr Lushnikov, Ivan Grebennikov, Toshxan Xodjaev, Bakir Sultonov, Yuriy Xilkov, Aleksandr Kaloshin, Nina Kuznetsova, Atxam Gazinazarov, Gapur Aripov, Fathulla Nazrullayev, Yakov Melnikov, Konstantin Motigin va boshqalar. Xotiralari obod bo‘lsin. Oramizda yashayotgan hurmatli faxriylarimiz Solih Baxtiyarov va Yunis Gorchakovlardan minnatdormiz. Yorqin kelajagimizga qo‘shgan xissangiz uchun cheksiz hurmat va rahmat aytamiz. Biz mustaqil, jadal rivojlanayotgan mamlakatda yashaymiz va har birimiz xalqimizning ulkan mehnati, fidoyiligi va qat‘iyatligi, ertangi kunga bo‘lgan ishonchi va yutuqlari bilan faxrlanamiz.  Aziz faxriylar! Sizlarni Xotira va Qadrlash kuni bilan chin dildan tabriklaymiz, sizlarga mustahkam sog‘liq, farovonlik va uzoq umr tilaymiz!
03 May 2019

Faxrlanamiz va unutmaymiz!

Umumxalq bayram - 9 may - Xotira va qadrlash kuni, keksa avlodga asrlar davomida ;bizga namuna bo‘lgan qahramonliklari va erishgan zafarlari uchun chuqur hurmat va minnatdorchilik timsoliga aylandi. Bu kun biz o‘zlarining insoniy burchini bajarib, janglarda halok bo‘lgan va yorqin kunlarimizni ko‘rish nasib etmaganlarning xotirasi oldida boshimizni egamiz. Shu bilan birga, bugungi kunda oramizda bo‘lgan urush va mehnat faxriylariga hurmat ko‘rsatishimiz kerak. Ular sinmas ruhiyat, fidokor, jasorat va qat'iyatlilikning mustahkam namunasidir. "O‘zbekiston havo yo‘llari" Milliy aviakompaniyasi ushbu muhim kun arafasida o‘z faxriylarini taqdirlamoqda. MAKning barcha tarkibiy bo‘linmalarida ular uchun tantanali uchrashuvlar, konsertlar va esdalik sovg‘alari tashkil etilgan. Bayram arafasida MAK mutaxassislari mehnat fronti faxriylari Leonid Klochko, Valentina Ganshin, Tatyana Chistyakova, Azizaxon Ibodiyevalar xonadonlariga o‘z tashriflari bilan o‘zbek aviatsiyasining rivojlanishiga qo‘shgan hissalari uchun minnatdorlik izhor etdilar. Faxriylar suhbat davomida o‘zlarining kechirgan mashaqqatli damlarini eslab o‘tib, urushdan keyingi yillarda o‘z ish faoliyatlari haqida g‘ayrat bilan aytib berishdi. Aviakompaniya rahbariyati tomonidan ularga pul mukofotlari va gullar, MAKning barcha jamoasi nomidan esa, salomatlik va uzoq umr tilaklar bildirildi. ;Shuni ta‘kidlash kerakki, uyda o‘tkaziladigan bunday uchrashuvlar doimo ijobiy his-tuyg‘ularga to‘la bo‘lib, faxriylar o‘zlarini esga olinilganligini his qiladilar. Shuningdek, fahriyarimiz yonida o‘tkaziladigan daqiqalar har birimiz uchun o‘zgacha qadrlidir. Ularga hurmat va g‘amxo‘rlik ko‘rsatish - bu nafaqat an‘ana, balki bizning burchimiz va ularning bebaho nasihatlari qimmatli yo‘riqnomalari mamlakatimizda hukm surayotgan tinchlik va farovonlikni qadrlashga talab qiladi.
01 May 2019

Xavfsiz mehnat ustuvor ahamiyatga ega

Xavfsiz mehnat ustuvor ahamiyatga ega "O‘zbekiston havo yo‘llari" Milliy aviakompaniyasining «Uzbekistan Airways Techniks» aviakorxonasida Xalqaro mehnat tashkiloti (XMT) ning 100 yilligiga bag‘ishlangan seminar tashkil etildi. Seminarda O‘zbekiston Kasaba uyushmalari Federatsiyasi kengashi, Aviatsiya hodimlari kasaba uyushmasi Respublika kengashi, MAK Direktsiyasri, rahbariyat jamoasi, sex kasaba uyushmalari qo‘mitalari va aviakorxonaning mehnat muhofazasi bo‘yicha vakolatli vakillari ishtirok etdi. Tadbir ishtirokchilari XMTning korxona faoliyati xavfsizligi va samaradorligini ta'minlashdagi ahamiyati, "UAT" AK va MAK tarkibiy bo‘linmalarining 2018 yilgi mehnat muhofazasi va texnik xavfsizlik holati, yosh mutaxassislarning mehnat muhofazasi, jarohatlar va kasbiy kasalliklarni oldini olish, shuningdek, aviahodimlar uchun ijtimoiy adolat va munosib ishni ta‘minlash haqida ma‘ruzalar tinglandi. So‘zga chiqqanlar tomonida mehnatni muhofaza qilish choralari har tomonlama bartaraf etilishi kerakligi, qabul qilinadigan qarorlar samarali bo‘lishi va muayyan vaqt ichida bajarilishi kerakligi,shuningdek, mehnatni muhofaza qilishni oldini olishga jiddiy yondoshish, har bir ish joyidagi texnologik operatsiyalar xavfsizligi uchun o‘rta zveno boshqaruvi tomonidan mas‘uliyat va nazoratni kuchaytirish, barcha darajalarda mehnat muhofazasi holatini o‘z vaqtida va samarali tarzda ma‘muriy va jamoatchilik nazoratini ta‘minlash zarurligi borasida ta‘kidlanib o‘tildi. Xulosa qilib, seminar tashkilotchilari yana bir bor ishtirokchilar e'tiborini munosib mexnatni ta’minlashga, uni amalga oshirish uchun xavfsiz ishni tashkil etishning yangi, yanada mukammal usullarini joriy etish bo‘yicha qo‘shimcha choralar ko‘rish muhimligiga qaratdilar. Tadbir yakunida "Mehnat muhofazasi bo‘yicha eng yaxshi" ko‘rik tanlovi ishtirokchilarini taqdirlash marosimi bo‘lib o‘tdi. G'olib va sovrindorlarga aviakorxona kasaba uyushmasi qo‘mitasi tomonidan esdalik sovg‘alari topshirildi.
03 May 2019

"O‘zbekiston havo yo‘llari" Jakarta shahriga birinchi parvozni bajardi

"O‘zbekiston havo yo‘llari" Milliy aviakompaniyasi Indoneziya poytaxtiga Kuala-Lumpur orqali ilk parvozini amalga oshirdi. Samolyotda Jakarta shahriga O‘zbekiston Respublikasi Transport vazirining birinchi o‘rinbosari Ilxom Maxkamov boshchiligida Davlat Turizm qo‘mitasi, Madaniyat ishlari vazirligi, sayyohlik kompaniyalari va tadbirkorlardan tarkib topgan O‘zbekiston delegatsiyasi tashrif buyurdi. Indoneziya poytaxtining “Sukarno-Hatta” xalqaro aeroportida O‘zbekistonning Indoneziyadagi elchixonasi va "O‘zbekiston havo yo‘llari" MAK bilan hamkorlikda ilk parvoz yo‘lovchilarini tantanali kutib olish marosimi uyushtirildi. Tadbirda O‘zbekistonning Indoneziyadagi turizm brendi elchisi Eko Gri Margianti, aeroport ma‘muriyati, shuningdek, ikki davlat ommaviy axborot vositalari vakillari ishtirok etdi. Mazkur yo‘nalishning ochilishi doirasida O‘zbekiston va Indoneziyaning 150 dan ortiq sayyohlik kompaniyalari hamda tegishli biznes tuzilmalari vakillari ishtirokida O‘zbekiston-Indoneziya turizm forumi bo‘lib o‘tdi. Ta‘kidlash joizki, yangi qatnovnining ochilishi ikki davlat o‘rtasidagi aloqalarni mustahkamlash va mamlakatlar sayyohlik salohiyatini rivojlantirishga xizmat qiladi. O‘zbekiston milliy aviakompaniyasi Jakartaga muntazam yo‘lovchi qatnovlarini haftada ikki marta quyidagi jadval bo‘yicha amalga oshiradi: Chorshanba: HY-551 Toshkent 06:45 - Kuala-Lumpur 18:15 HY-552 Kuala Lumpur 19:50 - Jakarta 21:00 Jakarta 22:30 - Toshkent 07:00 Payshanba: HY-553 Toshkent 21:25 - Jakarta 09:25 Jakarta 10:50 - Kuala Lumpur 14:05 HY-554 Kuala Lumpur 15:25 - Toshkent 21:35
29 Apr 2019

“O‘zbekiston havo yo‘llari” Arabian Travel Market-2019 ishtirokchisi

O‘zbekiston aviakompaniyasi 28 aprel – 1 may kunlari Dubay (BAA) shahrida bo‘lib o‘tayotgan Arabian Travel Market-2019 sayyohlik ko‘rgazmasida o‘z xizmatlarini taqdim etmoqda. Dunyoning 80ta mamlakatidan 2500 nafar eksponentlar, jumladan, Yevropa, Yaqin Sharq, Shimoliy Afrika, Janubiy va Markaziy Afrika, AQSh va Janubiy-Sharqiy Osiyo davlatlaridan 60ta milliy turizm tashkilotlari yangi tendentsiyalarni aniqlash, yaqin aloqalar o‘rnatish, hamkorlik bitimlarini tuzish, tajriba almashish va jahon sayyohligining so‘ngi yangiliklari haqida ma‘lumot olish uchun Yaqin Sharqdagi mazkur yirik sayyohlik maydonida to‘plandilar. Ko‘rgazmaning birinchi kunidayoq "O‘zbekiston" Yagona milliy stendi ko‘plab mehmonlarni, jumladan, sayyohlik bozorining mutaxassislari va potentsial sayyohlarni  e‘tiborini tortdi. Aviakompaniyaning keng miqyosli xizmatlari, samolyotlar parki, muntazam yo‘lovchi va yuk qatnovlari, Yaqin Sharq va Fors bo‘g‘ozi mamlakatlariga parvozlar hamda yangi yo‘nalishlar haqida ma‘lumot olish imkonini beruvchi "O‘zbekiston havo yo‘llari" MAK stendi  tashrif buyuruvchilar soni ko‘pligi bilan ajralmoqda. Bugungi kunda O‘zbekiston milliy aviakompaniyasi Dubayga haftasiga besh marta (seshanba va shanba kunlaridan tashqari), Sharja shahriga haftasiga ikki marta (seshanba va shanba kunlari) muntazam yo‘lovchi qatnovlarini zamonaviy va qulay havo laynerlarida amalga oshiradi. Ta’kidlash joizki, ushbu xalqaro ko‘rgazmada ishtirok etish, O‘zbekiston milliy aviatashuvchisining ushbu mintaqa mamlakatlariga ko‘rsatilayotgan xizmatlari va yirik sayyohlik salohiyatini taqdim etish, o‘zbek sayyohlik yo‘nalishini ommalashtirish, yangi aloqalar o‘rnatish, Yaqin Sharq bozori hamkorlari bilan hamkorlikni mustahkamlash, qolaversa, arab mamlakatlaridan yurtimizga sayyohlarni jalb qilish uchun ajoyib imkoniyat bo‘lib xizmat qiladi.
26 Apr 2019

O‘zbekiston milliy aviakompaniyasi SKY SERVICE 2019 tanlovining lauriyati

O‘zbekiston milliy aviakompaniyasining bortkuzatuvchilari jamoasi SKY SERVICE 2019  IV Xalqaro forumidagi "Savdo - xizmat ko‘rsatish san‘ati" nominatsiyasida birinchi o‘rinni egallab, g‘olib bo‘ldi. Indira Iraliyeva, Lyubov Ratushina, Faniya Babikova va Xojiyaxon Tillaxodjayeva joriy yilning 24-25-aprel kunlari Moskvada bo‘lib o‘tgan ushbu nufuzli professional forumda mamlakatimizni munosib tarzda namoyish etdilar. SKY SERVICE – havo kemalaridagi xizmatlarni va servisni rivojlantirishga bag‘ishlangan xalqaro  miqiyosidagi yirik tadbirdir. Forum bortkuzatuvchilarni  sertifikatlangan ISPY noyob o‘quv dasturi bo‘yicha tayyorlash, Sky Delight Awards 2019ning  yetakchi bort ketringlari Bosh oshpazlarining oshpazlik musobaqalari hamda  Sky Travel Awards 2019 mukofotining taqdirlash marosimi kabi an‘anaviy bo‘lgan bir nechta tadbirlarni birlashtirgan.  Forum qatnashchilari Sky Shop katalogidagi brendlar ko‘rgazmasi, aviatsiya sohasidagi bo‘sh ish o‘rinlari yarmarkasi, bortkuzatuvchilar o‘rtasidagi Sky Lady go‘zallik tanlovi, shuningdek,  ko‘plab master-klass va treninglarda ishtirok etish imkoniyatiga ega bo‘ldilar. Eslatib o‘tamiz, 2018-yilda «O‘zbekiston havo yo‘llari» MAK bortkuzatuvchilari jamoasi "SKY SERVICE 2018"ning "Yil jamoasi" va "Yilning eng yaxshi bortkuzatuvchisi"  kabi  ikkita unvoniga sazovor bo‘lishgan.
26 Apr 2019

"O‘zbekiston havo yo‘llari" Milliy aviakompaniyasi bortkuzatuvchisi xalqaro Sky Lady 2019 tanlovida unvonga sazovor bo‘ldi

"O‘zbekiston havo yo‘llari" Milliy aviakompaniyasining bortkuzatuvchisi Karina Rahmonova birinchi Sky Lady 2019 tanlovida ikkinchi vitse-miss deya e’tirof etildi. O‘zbekiston, Rossiya va Belorussiyadan tashrif buyurgan 17ta aviakompaniyaning bortkuzatuvchilari ishtirok etgan Sky Lady tanlovi bo‘lib o‘tdi. Mazkur tanlov hakamlar hay‘ati a‘zolari bilan savol-javoblarni, shuningdek, uch nafar ishtirokchining o‘z aviakompaniyalarining formasi, casual–qiyofa hamda rossiyalik dizayinlarining oqshom liboslaridagi defilesini o‘z ichiga oldi. Teleboshlovchi Arina Sharapova boshchiligidagi hakamlar hay‘ati qizlarning nafaqat professional qobiliyatlarini, balki jamoatchilik orasida o‘zini tutishi va notiqlik san’atidagi mahoratlariga baho berishdi. Tanlov natijalariga ko‘ra, ikkinchi vitse-miss unvoni Uzbekistan Airwaysning bortkuzatuvchisi Karina Rahmonovaga nasib etdi, birinchi vitse-miss unvonini Nord Star aviakompaniyadan Zarina Stroyova oldi va Sky Lady 2019 tituliga esa, “Aeroflot”dan Darya Baranova sazovor bo‘ldi.
24 Apr 2019

Yoshlar – yurt kelajagi

"O‘zbekiston havo yo‘llari" Milliy aviakompaniyasi rahbariyati yoshlarni qo‘llab-quvvatlash, ularning intilishlari, salohiyati va tashabbuslarini rag‘batlantirish, aviatsiya sohasida bilim va tajriba orttirishiga katta e’tibor qaratmoqda. O‘zbekiston Respublikasi Prezidentining 2015-yil 5-iyuldagi PF-5106-sonli  "Yoshlarga oid davlat siyosati samaradorligini oshirish va O‘zbekiston Yoshlar ittifoqi faoliyatini qo‘llab-quvvatlash to‘g‘risida"gi Farmonini bajarish maqsadida, Milliy aviakompaniyada har oyda MAK rahbariyati bilan uchrashuvlar o‘tkaziladi. MAK Direktsiyasi va Toshkent hududining tarkibiy bo‘linmalarining Yoshlar ittifoqi faollari va yetakchilarining  navbatdagi ochiq muloqot yig‘ilishi Yerusti inshoatlarini ekspluatatsiya qilish va aerodromlarni boshqarish depertamenti (YIEvaABD) rahbariyati bilan bo‘lib o‘tdi. Uchrashuv qatnashchilariga yangi terminallarni qurish va ob‘ektlarni rekonstruksiya qilish bo‘yicha amalga oshirilgan tadbirlar haqida keng ma‘lumot berildi. Shuningdek, ular aviakompaniyaning yangi loyihalari va yerusti infratuzilmasini modernizatsiya qilish bo‘yicha kelgusidagi rejalari bilan tanishdilar. Ularning e‘tiboriga joriy yilning 5-10-aprel kunlari Termiz shahrida bo‘lib o‘tgan Xalqaro baxshichilik san‘ati musiqa festivali arafasida foydalanishga topshirilgan “Termiz”  xalqaro aeroportidagi yangi terminalining imkoniyatlari taqdim etildi. Ta’kidlash joizki, MAK Xodimlar boshqarmasi tomonidan tasdiqlangan jadval asosida har oy o‘tkaziladigan “Ochiq muloqot” muhokama maydoniga aylandi, bu esa, aviakompaniya Yoshlar ittifoqi faollari va yetakchilariga eng dolzarb muammolarni ko‘tarish, o‘zlarini qiziqtirgan savollarni berish va ularga javoblar olishga sharoit yaratdi. Aviakompaniyamizning barcha korxona va aeroportlarida o‘tkaziladigan bu kabi uchrashuvlar rahbariyat va yoshlar o‘rtasida bevosita muloqotning yana bir shakli bo‘lib, yoshlarga katta avlodning O‘zbekiston aviakompaniyasining nufuzi va mavqeini oshirish hamda  soha rivojidagi bilim,  mahorat va tajribalaridan oqilona foydalanishga imkon yaratadi.
19 Apr 2019

"O‘zbekiston havo yo‘llari" KITF-2019 ishtirokchisi

O‘zbekiston milliy aviakompaniyasi MAKning Qozog‘istondagi aviatashuvlarini sotish bo‘yicha Bosh agenti hisoblangan "Global Air" aviakompaniyasi bilan hamkorlikda 2019-yil 17-19 aprel kunlari Qozog‘istonning Almati shahrida bo‘lib o‘tgan "Turizm va sayohat" “KITF-2019” XIX-xalqaro ko‘rgazmasida ishtirok etdi. Ko‘rgazma davomida MAK vakillari tomonidan ham faoliyat yuritayotgan hamda potentsial hamkorlar bilan uchrashuvlar o‘tkazildi. "O‘zbekiston havo yo‘llari" stendiga tashrif buyurgan mehmonlarga parvozlar geografiyasi, qatnovlar jadvallari, MAK parkining Internet tarmog‘iga simsiz ulanish tizimi bilan jihozlangan yangi Airbus A320neo va Boeing 787-8 Dreamliner samolyotlari bilan to‘ldirilishi, shuningdek, aviakompaniyaning qo‘shimcha xizmatlari haqida ma‘lumotlar taqdim etildi. MAKning Jakarta (Indoneziya) va Tbilisi (Gruziya) shaharlariga qo‘yilgan  yangi yo‘nalishlari faol targ‘ib etildi. Ko‘rgazma ishtirokchilari o‘zbek aviakompaniyasining ham Qozog‘iston, ham butun dunyo bozoridagi aviatsion imkoniyatlari bilan yaqindan tanishishdi. Ta‘kidlash joizki, ushbu sayyohlik ko‘rgazmasi 2000-yildan beri o‘tkazilib kelinadi, shuningdek, Markaziy Osiyodagi eng yirik professional sayyohlik maydoni hamda mamlakatdagi turizm sohasining asosiy voqeasi hisoblanadi.
17 Apr 2019

Qozog‘istonning navbatdagi samolyotiga Toshkentda texnik xizmat ko‘rsatilmoqda

"O‘zbekiston havo yo‘llari" Milliy aviakompaniyasining "Uzbekistan Airways Technics" (UAT) aviakorxonasi angarida Qozog‘iston Prezidentining respublikamizga rasmiy tashrifi arafasida  poytaxtimizga kelgan “SCAT” aviakompaniyasining samolyotiga texnik xizmat ko‘rsatilmoqda. Qozog‘iston aviatashuvchisining Boeing-757-200 samolyotida MAK ta’mirlash korxonasining mutahassislari tomonidan samolyotning barcha tizimlari va tarkibiy qismlarini to‘liq tekshirishni o‘z ichiga olagan texnik xizmatning murakkab C-chek turi  bo‘yicha ta’mirlash ishlari amalga oshirilmoqda. "SCAT" aviakompaniyasi "Uzbekistan Airways Technics" aviakorxonasining uzoq muddatli hamkori bo‘lib, ushbu aviatashuvchining havo floti ko‘p yillar davomida Toshkent aviakorxonasining xizmatidan foydalanadi.  2018-yilda “UAT” aviakorxonada chet ellik mijozlarning 6ta samolyotiga texnik xizmat ko‘rsatilgan bo‘lsa, ulardan 4tasi Qozog‘iston aviakompaniyasiga tegishli. Uzoq muddatli hamkorlar fikriga ko‘ra, "Uzbekistan Airways Technics" aviakorxonasi nufuzi xorijda yuksak e’tirofga ega. Aviakorxona mintaqadagi eng yaqin va shu bilan birga eng qulay ta’mirlash maydonchasi hisoblanib, o‘zini keng miqyosli xizmatlarni taqdim etuvchi ishonchli hamkor sifatida tanilgan. "O‘zbekiston havo yo'llari" Milliy aviakompaniyasining "Uzbekistan Airways Technics" aviakorxonasi samolyotlar, dvigatellar va komponentlarga texnik xizmat ko‘rsatish va ta‘mirlash borasida 90 yildan ortiq tajribaga ega. Xizmat ko‘rsatiladigan samolyotda parvozlar xavfsizligi va bajariladigan ishlar sifatini ta’minlash aviakorxona faoliyatining ustuvor yo‘nalishlaridan bo‘lib, Boeing 757/767/787,  Airbus 300/310/318/319/320/321 havo kemalariga texnik xizmat ko‘rsatish va  ta‘mirlash huquqi Yevropa, xalqaro va milliy tashkilotlar tomonidan berilgan sertifikatlar bilan tasdiqlangan.  Ayni paytda erishilgan natijalarda to‘xtalmasdan, Boeing-737-300/400/500/600/700/800/900 samolyotlariga texnik xizmat ko‘rsatish va ta’mirlashni o‘zlashtirish bo‘yicha olib borilgan   keng ko‘lamli ishlarning yakuniy bosqichi tugab bormoqda. Bu esa, o‘z navbatida, aviakorxonaga o‘z xizmatlarini yanada samarali taqdim etish va tashqi bozorda talabni oshirish imkonini beradi.

Pages

O'zbekiston Respublikasining

Milliy Aviakompaniyasi

Davlat resurslari: